দুটামান ঘৰুৱা দিহা daily life tips and tricks assamese

দুটামান ঘৰুৱা দিহা daily life tips and tricks assamese  ১৷ আপোনাৰ পুৰণি লেপটপটোত কাম কৰিবলৈ দিগদাৰ হৈছে নেকি?   বুটিং হওঁতে, প্ৰ...

দুটামান ঘৰুৱা দিহা daily life tips and tricks assamese 


১৷ আপোনাৰ পুৰণি লেপটপটোত কাম কৰিবলৈ দিগদাৰ হৈছে নেকি? 
বুটিং হওঁতে, প্ৰগ্ৰেম একোটা, ফাইল কপি পেষ্ট কৰোঁতে বহু সময় লোৱা হৈছে নেকি? হাৰ্ডডিস্কখনে কৰ্কশ শব্দ কৰি থাকে নেকি?
তেনেহ’লে, যদি পইচা বচাবলৈ মন আছে নতুন লেপটপ এটা কিনাৰ আগতে আপোনাৰ লেপটপৰ হাৰ্ডডিস্কখন সলনি কৰি নতুনকৈ SSD (solid state drive) হাৰ্ডডিস্ক এখন লগাই লওক৷

মই মোৰ লেপটপটোত কাম কৰিব নোৱৰা অৱস্থা হৈছিলগৈ৷ মাজতে RAM ও বঢ়াই ল’লো৷ পিছে বিশেষ একো পাৰ্থক্য নাপালোঁ৷ এইটো সলোৱাৰ আগতে শেষ চেষ্টা হিচাপে হাৰ্ডডিস্কখন সলাই দিলোঁ৷ বহু ’ৰিভিউ’ চাই মেলি আমাজনৰ পৰা ছেমছাঙৰ এখন ল’লো (২৫৬ জিবি) আৰু য়ু টিউবত চাই চাই নিজে নিজে হাৰ্ডডিস্কখন লগাই ল’লো৷ SSD লগালে আগৰ পুৰণি হাৰ্ডডিস্কখন clone কৰি ল’ব পাৰি আৰু নতুনকৈ অপাৰেটিং ছিষ্টেম ইনষ্টল কৰাৰ লেঠাও নাথাকে৷ অবিশ্বাস্যভাৱে, মই সাংঘাতিক পাৰ্থক্য এটা পালোঁ৷ বুটিং টাইম একেবাৰে কমি গ’ল৷ পাৱাৰ বাটনটো টিপাৰ কেই ছেকেণ্ডমান পিছতে লেপটপটো কাম কৰিবলৈ সাজু হৈয়ে যায় যিটো হ’বলৈ আগতে কেইবামিনিটো লগা হৈছিল৷ আৰু দৰকাৰী এপ/ প্ৰগ্ৰেমবোৰো চকুৰ পচাৰতে খোল খোৱা হ’ল৷

পুৰণি হাৰ্ডডিস্কখন এটা casing কিনি আনি ভৰাই লৈ সেইটো এতিয়া external harddisk হিচাপে ব্যৱহাৰ কৰি আছোঁ৷

২৷ আগতে আপোনাৰ গেছৰ চিলিণ্ডাৰটো এমাহত শেষ হৈছিল কিন্তু যোৱা কেইমাহমানত আলহীৰ সংখ্যা বেছি নোহোৱা সত্ত্বেও পোন্ধৰ দিনমানতে শেষ হোৱা হৈছে নেকি?

যদি এনেকুৱা হৈছে তেন্তে যেতিয়াই আপোনাৰ ঘৰলৈ চিলিণ্ডাৰ দিবলৈ আহে ’ডেলিভাৰি বয়’জনক চিলিণ্ডাৰটো ওজন কৰি দিবলৈ কওক৷ আপুনি ঘৰলৈ মাছ বিক্ৰী কৰিব অহা বেপাৰীৰ পৰা যেনেকৈ মাছ ওজন কৰি লয়, ঠিক একেদৰে চিলিণ্ডাৰ দিবলৈ আহোঁতে ওজন কৰি ল’ব লাগে৷ চিলিণ্ডাৰ দিব অহাজনৰ লগতো এটা ওজন কৰিব পৰা যন্ত্ৰ থকাটো বাধ্যতামূলক৷

আগতে আমিও কেতিয়াও ওজন কৰি নলৈছিলোঁ৷ আচলতে নাজানিছিলোৱেই এই বিষয়ে৷ পিছে কেইবাৰমান অস্বাভাৱিকধৰণে গেছ শেষ হৈ যোৱাতহে আচৰিত হ’লোঁ৷ এবাৰ এটা চিলিণ্ডাৰ ৰাতিপুৱা লগোৱাৰ পিছত আবেলি শেষ হৈ থাকিল৷ আন এটাৰ ছীল মোহৰ লাগি থকাৰ পিছতো ভিতৰত একোৱে নাছিল৷ বাকী পোন্ধৰ বিছদিনত শেষ হোৱাবোৰ নধৰিলোৱেই যেনিবা৷

কথাটো গম নোপোৱাৰ অন্যতম কাৰণটো হ’ল যে, চিলিণ্ডাৰ দিবলৈ অহা সময়ত আমি ঘৰৰ পুৰুষসকল ঘৰত নাথাকোঁ আৰু চিলিণ্ডাৰটো ডেলিভাৰি বয়জনে ডাঙি আনি একেবাৰে পাকঘৰত দি থৈ যায়৷ গতিকে আমি কেতিয়াও ডাঙি চোৱাৰ অৱকাশেই নাপাওঁ চিলিণ্ডাৰ দিবলৈ অহাৰ সময়ত৷ অস্বাভাৱিকভাৱে পাতল হ’লেহে সন্দেহ হ’ব৷ গতিকে কথাটো গমেই পোৱা নাছিলোঁ৷

ডেলিভাৰি দিবলৈ নিয়মীয়াকৈ অহা ল’ৰাজনক এই বিষয়ে সোধাত সি এটা পাল মৰা উত্তৰ দি সিদিনাৰ পৰা নহা হ’ল৷ আৰু এদিন বেলেগ এজনক এই বিষয়ে সোধোতে তেওঁ ওজন কৰি দিম বুলি ক’লে৷ তেতিয়াহে ছবিখন পৰিষ্কাৰ হ’ল৷

চিলিণ্ডাৰ দিবলৈ অহা ল’ৰাবোৰ এক চুৰি চক্ৰত জড়িত হৈ থাকে (সকলোৱে নহয় দেই, সাধাৰণীকৰণ নকৰিব)৷ এবাৰ তেজপুৰত বন্ধু এজনে ২০০ টকাৰে গেছ ৰিফিল কৰি অনা বুলি কওঁতে আচৰিত হৈছিলোঁ৷ পিছতহে বুজিলোঁ যে ছীল এটা লগাই দিয়াটো তেনেই সাধাৰণ কথা৷ প্ৰতিটো চিলিণ্ডাৰৰ পৰা অলপ অলপকৈ গেছ উলিয়াই ইহঁতে এটা চিলিণ্ডাৰ কাৰোবাক ক’লা বজাৰত উচ্চ দৰত বেচি উপৰুৱা দুপইচা উপাৰ্জন কৰে৷

গতিকে ডেলিভাৰি বয়জনক চিলিণ্ডাৰটো সদায় জুখি দিবলৈ জোৰ দিব৷ যদি তেওঁ জুখি দিবলৈ হেঁহো-নেহো কৰে তেন্তে ভাবি ল’ব যে কিবা এটা খেলিমেলি আছে৷ ’এহ্‌, মোকো বিশ্বাস নকৰে নে? ’ - এইবুলি আৱেগ সানিব খুজিলেও প্ৰশ্ৰয় নিদিব৷ লাগিলে এশ টকা এনেয়ে দিব কিন্তু চুৰি কৰিবলৈ কিয় দিব৷

মই ভিডিঅ’ এটাও কৰি থৈছিলোঁ৷ স্থানান্তৰত আপল’ড কৰিম৷

৩৷ আপোনাৰ বাথৰূমৰ ’উচ্চ স্থানাংকিত জল প্ৰক্ষেপণ যন্ত্ৰ’টোৰে ভালদৰে পানী নোলোৱা হৈছে নেকি? মানে মই আমাৰ ’শ্বাৱাৰ’টোৰ কথাহে কৈছো দেই!

যদি তেনে হৈছে, শ্বাৱাৰটো খুলি আনি ছেফটি পিন বা আলপিন এটাৰে খুচি ফুটাবোৰ ঠিক কৰি---- ৰ’ব ৰ’ব, এই কামটো ভুলতেও নকৰিব৷ ওলোটা আপোনাৰ শ্বাৱাৰটো বেয়াহে হ’ব৷ তাতকৈ আপুনি এটা কাম কৰিব৷ এখন দ-গৰীয়া কাঁহীত ঘৰত আচাৰ তৈয়াৰ কৰোঁতে ব্যৱহাৰ কৰা ভিনেগাৰ দি তাত শ্বাৱাৰটো ডুবাই থওক আধা ঘণ্টামান৷ তাৰপিছত পানীৰে ভালদৰে ধুই আকৌ আগৰ স্থানত লগাই দিব৷

-মৃদুল কুমাৰ শৰ্মা

..................

তলত থকা facebook আৰু whatsapp বুটামত ক্লিক কৰি facebook timeline ত আৰু whatsapp status ত share কৰকচোন আৰু আপোনাৰ দৰে আন দহজনকো পঢ়িবলৈ দিয়ক। কমেন্ট বক্সত আপোনাৰ মতামত লিখক ।

ads
Name

assam,4,Assamese entertainment news,1,assamese quote,12,assamese song lyrics,2,Student corner,4,Video,1,whatsapp status video,1,অনুপ্ৰেৰণামুলক,11,অনুভৱ,28,কবিতা,8,কিতাপৰ পোক,2,গল্প,30,জ্ঞানৰ সফুঁৰা,30,টিপচ্,8,টিপচ্ এণ্ড ট্ৰিকচ্,9,পেন অন পেপাৰ,5,বিজ্ঞান বিচিত্ৰা,4,বিবিধা,23,মিষ্ট্ৰিয়াচ নাইট,35,স্বাস্থ্য,10,
ltr
item
Jonak axom : দুটামান ঘৰুৱা দিহা daily life tips and tricks assamese
দুটামান ঘৰুৱা দিহা daily life tips and tricks assamese
https://1.bp.blogspot.com/-9uqkHalv7YY/XHk_-HJw48I/AAAAAAAAB-E/IHJdoCPOvzM3NKmdMy1lh0CrSmz467BRwCLcBGAs/s1600/Gas_Cylinder_assam.jpg
https://1.bp.blogspot.com/-9uqkHalv7YY/XHk_-HJw48I/AAAAAAAAB-E/IHJdoCPOvzM3NKmdMy1lh0CrSmz467BRwCLcBGAs/s72-c/Gas_Cylinder_assam.jpg
Jonak axom
https://www.jonakaxom.com/2019/02/daily-life-tips-and-tricks-assamese.html
https://www.jonakaxom.com/
https://www.jonakaxom.com/
https://www.jonakaxom.com/2019/02/daily-life-tips-and-tricks-assamese.html
true
8804125980716359042
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy