গৰুৱেও আপোনাক দিশ নিৰ্ণয় কৰাত সহায় কৰিব পাৰে ??

গৰুৱেও আপোনাক দিশ নিৰ্ণয় কৰাত সহায় কৰিব পাৰে ?? ধৰি লওঁক যে আপুনি কোনো এখন নতুন ঠাইলৈ প্ৰথমবাৰৰ বাবে গৈছে ৷ এতিয়া তাত আপুনি কিবা ...



গৰুৱেও আপোনাক দিশ নিৰ্ণয় কৰাত সহায় কৰিব পাৰে ??

ধৰি লওঁক যে আপুনি কোনো এখন নতুন ঠাইলৈ প্ৰথমবাৰৰ বাবে গৈছে ৷ এতিয়া তাত আপুনি কিবা এটা কামৰ বাবে কোনফালে কি দিশ হব সেইটো নিৰ্ণয় কৰিবলগীয়া হ'ল ৷ চাৰিওদিশে চাই আপুনি দেখিলে যে কথাটো সুধিবলৈ ওচৰে পাজৰে কোনো লোক নাই ৷ আপুনি কি কৰিব ? বৰ্তমান প্ৰযুক্তিৰ চমকপ্ৰদ উন্নতিয়ে আমাক মোবাইলতে চাই চাৰিও দিশ নিৰ্ণয় কৰিব পৰা সুবিধা দিছে ৷ সেয়ে আপুনি পকেটৰ পৰা স্মাৰ্ট ফোনটো উলিয়াই লব ৷ পিছে ধৰা হ'ল সেই সময়ত আপোনাৰ হাতত মোবাইল নাই ৷ তেতিয়া আপুনি কি কৰিব ? তেতিয়া হয়তো আপুনি সূৰ্য্যৰ অৱস্থানটো চাই দিশ নিৰ্নয়ৰ চেষ্টা কৰিব ৷ পিছে এইবাৰ ধৰি লোৱা হ'ল যে সেইদিনা বতৰো সিমান ঠিক নহয় ৷ তেতিয়া ? তেতিয়া নিশ্চয় আপোনাৰ কিছু অসুবিধা হব ৷ পিছে চিন্তা নকৰিব ৷ আপুনি তেতিয়াও আন এক সহজ উপায়েৰে দিশৰ এক সম্যক ধাৰণা কৰি লব পাৰিব ৷ তাৰ বাবে আপুনি এটা গৰু বিচাৰিব লাগিব ৷ হয়, ঠিকেই পঢ়িছে ৷ গৰুৱেও আপোনাক দিশ নিৰ্ণয় কৰাত সহায় কৰিব পাৰে ৷ আজি কিছুবছৰ আগতে বিজ্ঞানী সকলে গৱেষণা কৰি পাইছে যে গৰু আছলতে আমি ভৱাৰ দৰে সিমানো বেছি 'গৰু' নহয় ৷ গতিকে স্মাৰ্ট ফোন লগত নথকা সময়ত স্মাৰ্ট গৰুৱেও আপোনাক দিশ নিৰ্ধাৰণত সহায় কৰিব পাৰে ৷



অতি প্ৰাচীন কালৰে পৰাই গৰখীয়া সকলে লক্ষ্য কৰি আহিছে যে তেওঁলোকৰ গৰুবোৰে তেওঁলোকক সাম্ভাৱ্য বতৰৰ বিষয়ে আগজাননী দিব পাৰে ৷ গৰখীয়া সকলে গৰুৰ আচাৰ ব্যৱহাৰ লক্ষ্য কৰি আগন্তক কিছু ঘন্টাত বতৰ কেনে হব সেই বিষয়ে অনুমান কৰি লয় ৷ গৰুৱে বতৰৰ আগজাননী দিব পৰাৰ কোনো প্ৰতিস্থাপিত বৈজ্ঞানিক প্ৰমান নাই ৷ তথাপি বিভিন্ন দেশৰ বিভিন্ন অঞ্চলৰ লোকে বেলেগ বেলেগ উপায়েৰে গৰুৰ চাল চলন মন কৰি বতৰৰ বিষয়ে কিছু অনুমান কৰি লয় ৷ কোৱা হয় যে গৰু যদি মাটিত বহি পৰে তেন্তে সোনকালেই বৰষুণ দিব ৷ পিছে এই কথাটোও বৈজ্ঞানিক ভাবে প্ৰমান হোৱা নাই ৷ অৱশ্যে এই কথা প্ৰমানিত যে ৰ'দৰ দিনত গৰুৱে বেছি সময় ঠিয় হৈ থাকে আৰু বতৰ ঠাণ্ডা হ'লে বহু গৰু মাটিত বহি পৰে ৷ 


বতৰৰ কথাবোৰ বাৰু গৰখীয়াবোৰে কেনেবাকৈ অনুমান কৰে ৷ আপুনি গৰুৰ পৰা দিশ কেনেকৈ জানিব পাৰিব ? 




বহু হাজাৰ বছৰ আগৰ পৰাই মানৱ জাতিয়ে এই কথা দেখি আহিছে যে গৰুৰ জাক এটাই যেতিয়া ঘাঁহ খায় তেতিয়া সাধাৰণতে গোটেই জাকটোৱেই একেফালে মুখ কৰি ঘাঁহ পাগুলি থাকে ৷ ইয়াৰ ব্যতিক্ৰমো নথকা নহয় যদিও সাধাৰণতে বেছিভাগ ক্ষেত্ৰতে আমিও তেনে এক দৃশ্যই দেখি থাকো ৷ এয়া সকলোৱে জনা বা দেখা কথা ৷ পিছে আচৰিতভাৱে এই চিৰ পৰিচিত দৃশ্যটো হাজাৰ হাজাৰ বছৰ ধৰি পৃথিৱীৰ শ শ কোটি লোকে দেখি অহাৰ পিছতো কাৰো মনত এই কথাটো লৈ বৰ বিশেষ বেলেগ একো নতুন চিন্তা অহা নাছিল ৷ কিন্তু 2008 চনত জাৰ্মানীৰ ডুইচবাৰ্গ বিশ্ববিদ্যালৰ জীৱবিজ্ঞানী চেবিন বেগালে এই বিষয়ত গৱেষণা কৰি সেই বছৰৰ আগষ্ট মাহত বিশ্বক এক আমোদজনক তথ্য জানিবলৈ দিয়ে ৷ ডক্টৰ বেগাল আৰু তেওঁৰ সহযোগী সকলে গুগল আৰ্থৰ সহায়ত গ্ৰেট বৃটেইনৰ, আয়াৰলেণ্ড, ভাৰত, আমেৰিকা আদি বহু দেশৰ বহু হাজাৰ গৰুৰ ছবি চাই এটা আচৰিত কথা লক্ষ্য কৰিলে ৷ তেওঁলোকে দেখিলে যে পৃথিৱীৰ বিভিন্ন দেশৰ বিভিন্ন অঞ্চলৰ গৰুবোৰৰ মাজত এক অতি আচৰিত সাদৃশ্য আছে ৷ সেইটো হ'ল - ভৌগলিক পৰিসীমা নিৰ্বিশেষে পৃথিৱীৰ সকলো গৰুৱে ঘাঁহ খোৱা আৰু জিৰণি লোৱাৰ সময়ত উত্তৰ-দক্ষিন দিশত দেহটো অৱস্থান কৰি লয় ৷ উপগ্ৰহৰ সহায়ত লোৱা এনে হাজাৰ হাজাৰ ছবিত গৰুবোৰ উত্তৰ-দক্ষিন দিশত থকা বুলি ষ্পষ্টকৈ দেখা গৈছিল যদিও বহু ছবিত গৰুবোৰৰ মুখবোৰ উত্তৰ ফালে আছিল নে দক্ষিন ফালে আছিল সেয়া ষ্পষ্ট নহ'ল ৷ ইয়াৰ পিছত তেওঁলোকে আৰু কিছু অধ্যয়ন কৰি পালে যে ঘাঁহ খোৱাৰ সময়ত বিশ্বৰ প্ৰায় সকলো গৰুৱেই দেহটো উত্তৰ-দক্ষিন অৱস্থানত ৰাখি ঘাঁহ খায় ৷ এনে অৱস্থাতো গৰুবোৰৰ মুৰটো উত্তৰ ফালে মুখ কৰি ঘাঁহ খোৱাৰ প্ৰৱনতা বেছি ৷ একে গৱেষণাতে ডক্টৰ বেগাল আৰু তেওঁৰ সহযোগী সকলে চেক গণৰাজ্যৰ সহস্ৰাধিক হৰিণাৰ ওপৰতো গৱেষণা কৰি একেই ফলাফল পাইছে ৷ বিশ্বৰ সকলো দেশৰ হৰিণাবোৰেও উত্তৰ-দক্ষিন দিশত দেহটো ৰাখি ঘাঁহ খায় বা জিৰণি লয় ৷ এই গৱেষণাত তেওঁলোকে লক্ষ্য কৰা হৰিণাবোৰৰ দুই তৃতীয়াংশ হৰিণাই উত্তৰ ফালে মুখ কৰি ঘাঁহ খাইছিল আৰু বাকী এক তৃতীয়াংশই দক্ষিন ফালে মুখ কৰি ঘাঁহ খাই আছিল ৷ বিজ্ঞানী সকল প্ৰায় নিশ্চিত হৈছে যে গৰু আৰু হৰিণাই ( লগতে আন কিছু প্ৰানীয়েও ) এনেকৈ উত্তৰ-দক্ষিন দিশত দেহটো অৱস্থান কৰাৰ কাৰণ হ'ল সিহতে দৰাচলতে পৃথিৱীৰ চুম্বকীয় মেৰু দুটাৰ দিশৰ লগত নিজৰ দেহটো মিলাই ৰাখে ৷ উত্তৰ দক্ষিন দিশ মানে দৰাচলতে উত্তৰ দক্ষিন চুম্বকীয় ক্ষেত্ৰৰ লগতহে এই প্ৰাণীবোৰৰ দেহটো সমান্তৰাল হৈ থাকে ৷ পিছে এই কামটো গৰুবোৰে কিয় আৰু কেনেকৈ কৰে সেই বিষয়ে বিজ্ঞানী সকল এতিয়াও নিশ্চিত হব পৰা নাই আৰু সেই বিষয়ে বৰ্তমানেও গৱেষণা অব্যহত আছে ৷

গতিকে কোনো অচিন ঠাইত গৰুৱে ঘাঁহ খাই থকা দেখিলে আপুনি ধৰি লব পাৰে যে গৰুটো থিয় হৈ থকা দিশ দুটা উত্তৰ-দক্ষিন হোৱাৰ সম্ভাৱনাই বেছি ৷ অৱশ্যে এই ক্ষেত্ৰত আপুনি প্ৰতিবাৰেই সম্পূৰ্ণ শুদ্ধ হব বুলি মই কৈ দিব নোৱাৰো ৷ কিন্তু এটা কথা মই এশ শতাংশ নিশ্চিত কৰি কব পাৰো যে এই 


আপডেটটো পঢ়া শেষ হোৱাৰ পিছতে আপুনি কথাটো পৰীক্ষা কৰিবলৈ গৰু এটা বিচাৰি বাহিৰলৈ ওলাই যাব

-alakesh bhagawati


তলৰ কমেন্ট বক্সত আপোনাৰ মতামত লিখক ।

তলৰ ফেচবুক / হোৱাটচএপ শ্বেয়াৰ বুটামটোত ক্লিক কৰি হোৱাটচএপ / ফেচবুকত শ্বেয়াৰ কৰক । আৰু আন দহজনকো পঢ়াৰ সুবিধা দিয়ক



ads
Name

assam,4,Assamese entertainment news,1,assamese quote,12,assamese song lyrics,2,Student corner,4,Video,1,whatsapp status video,1,অনুপ্ৰেৰণামুলক,11,অনুভৱ,28,কবিতা,8,কিতাপৰ পোক,2,গল্প,30,জ্ঞানৰ সফুঁৰা,30,টিপচ্,8,টিপচ্ এণ্ড ট্ৰিকচ্,9,পেন অন পেপাৰ,5,বিজ্ঞান বিচিত্ৰা,4,বিবিধা,23,মিষ্ট্ৰিয়াচ নাইট,35,স্বাস্থ্য,10,
ltr
item
Jonak axom : গৰুৱেও আপোনাক দিশ নিৰ্ণয় কৰাত সহায় কৰিব পাৰে ??
গৰুৱেও আপোনাক দিশ নিৰ্ণয় কৰাত সহায় কৰিব পাৰে ??
https://3.bp.blogspot.com/-kKwssTkxuvg/XDqwQFNX4cI/AAAAAAAABvk/1MSOxm7eK7UAnjWIlfuOWKQ_JsnooE9UgCLcBGAs/s320/essey%2Bon%2Bcow%2Bassamese%2Bfact.jpg
https://3.bp.blogspot.com/-kKwssTkxuvg/XDqwQFNX4cI/AAAAAAAABvk/1MSOxm7eK7UAnjWIlfuOWKQ_JsnooE9UgCLcBGAs/s72-c/essey%2Bon%2Bcow%2Bassamese%2Bfact.jpg
Jonak axom
https://www.jonakaxom.com/2019/01/fact-about-cow-assamese.html
https://www.jonakaxom.com/
https://www.jonakaxom.com/
https://www.jonakaxom.com/2019/01/fact-about-cow-assamese.html
true
8804125980716359042
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy